Comentario das páxinas

Bueno compañeiros, velaí vai a miña crítica marisqueira sobre as vosas webs.

Ante todo, espero que ninguén se ofenda. Despois de todo, para gustos as cores, e o que vou escribir non é máis que a miña opinión personal, non ten maior trascendencia.

O de ir analizando unha por unha é un pouco rollo, así que intentarei ser o máis concisa posible.

Se tivera que dicir cáles foron as tres páxinas que máis me gustaron, a verdade e que despois de moito pensalo diría que Bang, Madreselva e Mastercavs (non necesariamente nesa orde). De Bang encántame o deseño, esa estética retro, moi coidada e moi coherente, tanto na súa estructura coma nos seus contidos. De Madreselva creo que hai que dicir que ten moito mérito que sexa unha páxina feita por unha sola persoa e ademas, polo que puiden ver trátase dunha empresa real, é dicir, que é un proxecto de verdade, que non se queda no mero exercicio da clase, e iso é xenial. Os de Mastercav merecen un aplauso, non só pola complicadísima labor de documentación e organización que levaron a cabo, senón tamén por coidar a estética ata o punto de que cada unha das nosas seccións teña unha estética adecuada a cada un de nos. Compañeiras, felicidades :)

Agora tratarei de expor moi brevemente algunhas ideas sobre o resto de páxinas:
-Frikisports: gústame o loader do principio, é bonito e rápido e unha boa maneira de entreter mentres cargan os moitísimos vídeos que contén a páxina. En canto ao deseño, tal vez recorde demasiado a un blog

-Bang: das miñas favoritas, moito contido producido ex profeso, estética de novela de detectives, tráiler impresionante :)

-Revolucine: os problemas de cousas movidas de sitio seguro que son culpa do dreamweaver :S é unha pena. O xogo é xenial, lembra aos contos interactivos de cando eramos nenos.

-Maldia: outra páxina das que me gustan, real, feita para un grupo que realmente existe. Contidos reais e estética coherente.

-As tres en punto: un verdadeiro escaparate das artistas, estética moi adaptada ás súas personalidades: doces, coidadosas e detallistas. Mola moito. É unha pena que non se poidan ver algúns contidos.

-Neoteristad: deseño moi elegante. É moi interesante que recollan traballos feitos por cavs doutras facultades e nolos amosen.

-As de corazóns: deseño caótico, coherente co estilo de páxina web de cotilleos. Moitísimo contido feito ex profeso.

-Madreselva: outra das que me gustan, deseño que lembra á natureza, detalles coidados, todo funciona, é rápida e non tarda en cargar.

-Chita Fan Club: estética chillona, coherente co tema da mona chita, todo funciona, contidos orixinais, graciosa.

-Deporte no es solo futbol: acerto enorme nos contidos, cobren un nicho pouco explotado, terían un público novo e moi específico que acodería a eles. O feedback estaría asegurado. Mola moito que atoparan deportes tan frikis. Sería xenial ver aos organizadores poñendo en práctica algúns deses deportes ;)

-Mequetrefes: o deseño é un tanto caótico, seguramente por culpa do Dreamweaver, cuxo modo de vista previa non é nada fiable. Tal vez teña demasiadas fontes, algo moi estético a simple vista (sobre todo tendo en conta a intención barroca)pero que dificulta moito a lectura.

-Se te va la olla: diseño dos anos 90, moi adolescente, adaptada ao seu público. Problemas de funcionalidade (que pasou coa sección de contactos? :S)

-Mastercavs: quítome o sombreiro, un aplauso para a labor de documentación das organizadoras. A páxina debería subirse a un servidor permanente porque fannos un favor a todos nós adxuntando os nosos currículos e traballos na facultade.

-SMBD: estética e funcionalidade moi adecuadas aos contidos. Base de datos moi útil e interesante para o público ao que vai dirixida.

-M.Gesteira: estética case determinada pola empresa que realiza o encargo, poderíaselle sacar moito máis partido ao mapa de comunidades. Tal vez os menús deberían entrar en movemento para que fora mais dinámica.

Bueno marisqueiros, velaquí as miñas críticas. Espero non ter ferido a sensibilidade de ningún percebe.

¡Que aproveite!

Olalla Gesteira Maquieira